వ్యాయామంతో గుండెకి రిపేరు..!

- డాక్టర్‌ కాకర్లమూడి విజయ్    Wed, 14 Nov 2012, IST  

                కాస్త అధిక మోతాదు వ్యాయామం చేస్తే గుండెలోని మూల (సెమ్‌) కణాలు ఉద్దీపన చెంది కొత్త హృదయ కండరాల అభివృద్ధికి తోడ్పడతాయని మొదటిసారిగా తెలిసింది. ఇప్పటికే కొన్నిరకాల రసాయనాలను ఇంజెక్ట్‌ చేసి హృదయ మూల కణాలను చైతన్యపరిచే ప్రక్రియలు జరుగుతున్నాయి. కానీ, మామూలు వ్యాయామంతో కూడా అవే ఫలితాలను పొందవచ్చని ఇప్పుడు తెలిసింది. తాజా పరిశోధనల ప్రకారం రోజూ అరగంట పాటు పరిగెట్టడం లేదా సైకిల్‌ తొక్కడం వంటి వ్యాయామాలు చేయడం ద్వారా సుమారు 60 శాతం హృదయ మూలకణాలను పెంపొందించవచ్చట. రెండువారాల వ్యాయామం తరువాత ఏడు శాతం గుండె కండరాలలో అభివృద్ధి కనిపించింది. వ్యాయామం వల్ల అనేక ఉపయోగాలలో ఇది తాజాగా చేరింది.