సూర్యుడిని మించిన నక్షత్రం..!

విశ్వంలో సూర్యుడి కన్నా అతి పెద్ద నక్షత్రాన్ని గుర్తించారు శాస్త్రజ్ఞులు. భూమికి 60 వేల కాంతి సంవత్సరాల దూరాన వున్న ఈ భారీ నక్షత్రం ఎన్‌జిసి 1624-2. ఈ నక్షత్రం సూర్యునికన్నా 35 రెట్ల అధిక ద్రవ్యరాశి కలిగి వుంది. దీనిచుట్టూ బలమైన అయస్కాంతశక్తితో పాటు అధిక ఇంధనం, కాంతి, ఉష్ణం ఉన్నాయట! ఈ రకంగా ఉండటం చాలా అరుదైన విషయం అని పరిశోధకులు అంటున్నారు. ఈ కొత్త నక్షత్ర ఉనికితో నక్షత్రాల అయస్కాంత శక్తి, వాటి పరిణామక్రియలో ఏ విధంగా ప్రభావం చూపుతాయో తెలుసుకునే వీలు కలిగే అవకాశం ఉందని వీరు భావిస్తున్నారు.