క్రీముతో జన్యు వ్యాధుల చికిత్స...!

భవిష్యత్తులో జన్యు వ్యాధుల చికిత్స చర్మంపై లోషన్‌లూ, క్రీములూ రాసుకున్నంత సులభం కానుంది. మనిషి వెంట్రుక కంటే వెయ్యిరెట్లు తక్కువ పరిమాణంలో ఉండే న్యూక్లిక్‌ ఆమ్లాలు లోషన్‌ రూపంలో చర్మంపై రాస్తే, అవి చర్మంలోని కణాలలోకి వెళ్ళిపోతాయట. ఈ మందు కణంలో చేరాక అది వ్యాధిని కలిగించే జన్యువులను నిర్వీర్యం చేస్తుంది. ఇటువంటి క్రీమ్‌ని ఇప్పటికే ఎలుకలపై ప్రయోగించి చూశారు. ఎటువంటి దుష్ఫలితాలూ కలగలేదు. భవిష్యత్తులో ఇంకా అద్భుత విషయాలు సూక్ష్మస్థాయివే అయి ఉంటాయనేది వాస్తవం కావచ్చు.